30. oktober 2000 UKA 2000/22
Imigassanik aalakoornartortalinnik nioqquteqartarneq sassaallertarnerlu pillugit Inatsisartut inatsisissaattut siunnersuummut
allannguutissatut siunnersuut.
Niuernermut Ataatsimiititaliami ikinnerussuteqartumit, Kattusseqatigiinneersumit Mads Peter Grønvoldimit, saqqummiunneqartoq.
§ 11-mut1. § 11, imm. 1 ima oqaasertalerneqassaaq:
"Imigassanik kimittuunik nioqquteqarneq ataasinngornermiit tallimanngorneq ilanngullugu nal. 12.00-imiit nal. 18.00-imut, arfininngornikkut nal. 11.00-imiit nal. 13.00-imut, pisinnaavoq."
§ 12-imut2. § 12, imm. 1 ima oqaasertalerneqassaaq:
"Imigassanik kimikitsunik nioqquteqarneq ataasinngornermiit tallimanngorneq ilanngullugu nal. 12.00-imiit nal. 18.00-imut, arfininngornikkut nal. 11.00-imiit nal. 13.00-imut, pisinnaavoq."
Nalinginnaasumik oqaaseqaatit
Siunnersuuteqartup kissaatiginngilaa piffissat imigassanik aalakoornartortalinnik nioqquteqartarfiit sivitsorneqassasut.
Oqaaseqaatit
Nr. 1-imut
Siunnersuutigineqarpoq imigassanik kimittuunik nioqquteqartarneq maannamutut ataasinngornermiit tallimanngorneq ilanngullugu nal. 12.00-imiit nal. 18.00-imut, arfininngornikkut nal. 11.00-imiit nal. 13.00-imut, pisinnaassasoq.
Nr. 2-mut
Siunnersuutigineqarpoq imigassanik kimikitsunik nioqquteqartarnermi piffissarititat maanna maleruagassat malillugit imigassanik kimittuunik nioqquteqartarnermi piffissarititaasut malissagaat. Tamatumani nr. 1-imut oqaaseqaatit innersuussutigineqarput.